Avemu sceltu per nome di battèsimu " L'ARCUSGI " in memoria à l'arme ch'avianu i suldati di Pasquale Paoli per difende a ghjòvana Nazione Corsa.
Dapoi à so creazione, l'ARCUSGI militeghja à traversu à li so' canti per a lingua è a cultura corsa ma dinò per a difesa di tutti i populi chì lottanu per ricunquistà li so' diritti naziunali.
L'ARCUSGI si definisce da per ellu cumu essendu un gruppu pulìticu-culturale.
In parechj'anni, numerosi sò stati i cantarini e musicanti à esse à fianc' à l'ARCUSGI, certi qualchi mesi, d'altri assai di più, ma tutt' ognunu po dì ch'ellu hè statu un ardente acquaghjolu per i solchi suminati in ogni rughjoni...
Oghje, u gruppu hè cumpostu di 5 musicanti è 9 cantatori è sempre cun listessa fede,ellu porta u so messaghju di sperenza in tutti i lochi di Corsica è d'altrò...
sianu paesi, paisoli ò cità.
Di lugliu 2007,
l'Arcusgi
www.arcusgi.com
*Ritrattu: L'Arcusgi in L'Appel Du Large in 2006




